ILOILO CITY- Magapaidalom sang duha ka semana nga paghanas antes suguran ni Most Rev. Midyphil B. Billones ang iya katungdanan bilang Auxiliary Bishop sang Archdiocese of Cebu.
Sa interview sang Bombo Radyo sa obispo, iya ginpahayag nga matapos ang iya ordinasyon, magalupad siya padulong sa Rome, Italy agud maghanas antes ini magapadulong sa Archdiocese of Cebu sa Disyembre 26,2019.
Suno kay Billones, tungdan niya ang papel bilang kabulig ni Archbishop Jose Palma sang Archdiocese of Cebu.
Suno pa sa iya, hugot nga ginabaton niya ang panibag-o nga parti sang iya pagkapari bilang auxiliary bishop sang pinakadako nga archdiocese sa Pilipinas kag sa Asya.
