ILOILO CITY – Iduso ni Iloilo City Mayor Jerry Treñas sa Department of Public Works and High Ways ang pagtukod sang dugang nga pumping station kag pagtapos sa mga drainage system agud nga malikawan ang pagbaha sa syudad sang Iloilo sa tion nga mag-ulan.
Sa interview sang Bombo Radyo kay Treñas, iya ginpahayag nga functional naman ang duha ka pumping station sa City Proper apang madamu pa sa gihapon ang mga drainage system nga wala pa natapos.
Suno kay Treñas, indi lamang sa City Proper area ang may yara sang wala natapos nga mga drainage system kundi lakip man sa iban pa nga distrito kasubong sang La Paz, Lapuz kag Jaro.
Mas makapaayo man suno sa alkalde nga magpahamtang pa gid sang dugang nga pumping station kag drainange system para nga may yara sang lutsan ang tubig baha.
