ILOILO CITY – Madinalag-on ng natigayon ang Iloilo City Drug Summit 2019 nga ginhiwat sa Iloilo City Diamond Jubilee Hall sa Mabini, St., Iloilo City.
Ini ang gintambongan sang Liga ng mga Barangay, Sangguniang Kabataan; mga tiglawas nagikan sa Department of Health Region 6; Department of the Interior and Local Government; Iloilo City Police Office kag Police Regional Office 6.
Sa interview sang Bombo Radyo kay Mr. Catalino Cuy, chairman sang dangerous drugs board, iya ginpahayag nga isa sa mga katuyuan sang iloilo drug summit amo nga ipakilala kag ipahibalo sa mga pumuluyo sa syudad ang Philippine Anti Illegal Drug Strategy.
Ang nasambit nga stratehiya suno kay Cuy ang mangin paagi agud nga maangkon ang 2022 drug free outlook sang pungsod.
Nagapati si Cuy nga isa sa pinaagi gud masolbar ang problema amo ang pag-ako agud nga mahimoa sang solusyon.
Samtang sa bahin naman ni Police Regional Office 6 Director Rene Pamuspusan, iya ginpahayag nga maayo nga may kasubong sini nga programa ang gobyerno agud nga mas mahibaluan sang mga barangay officials, sangguniang kabataan members kag iban pa nga sektor ang ila mga katungdanan kag rolyo sa pagbulig tapna sang iligal nga droga sa pungsod.
