ILOILO CITY – Nakapatukod sang duha ka mga Material Recovery Facility ang Brgy. Ingore, La Paz, Iloilo City.
Sa interview sang Bombo Radyo kay Punong Barangay Jonathan Jalandoni, iya ginpahayag nga duha ka bilog ang Material Recovery Facility sa ila barangay kag ini ang napahamtang sa zone 2 kag 4.
Suno kay Jalondoni, may yara siya sang ginkuha nga garbage collector agud magtipon sang basura samtang, may yara man sang motor nga may sidecar nga mahimo nila magamit agud magdala sang basura sa Material Recovery Facility.
Ginpahayag man sang natungdan nga sa subong, indi siya mag-upod sa Lakbay Aral bangud luyag niya nga magpabilin sa ila barangay agud tungdan ang iya responsibilidad.
