ILOILO CITY – Ginalauman nga magareport sa Bureau of Jail Management and Penology Region 6 buwas nga adlaw ang jail officer nga nagpakita-kita sang iya service firearm sa isa ka bar sa Smallville Complex sa Mandurriao, Iloiilo City sang damlag lang.
Sa interview sang Bombo Radyo kay Senior Jail Officer 3, Leo Lacerna, pinuno sang Investigation kag Prosecution Division sang BJMP 6, iya ginpahayag nga gin relieve na si Jail Officer 2 Iris Lizada.
Suno kay Lacerna, ginaluman nga magareport si Lizada buwas nga adlaw dala ang position letter bilang paathag kun nga-a indi siya dapat pagpasakaan sang kaso administratibo.
Napahibalo naman suno sa natungdan ang direct supervisor sang BHMP personnel sa Bureau of Jail Management and Penology sa Brgy. Nanga, Potatan, Iloilo kag ginahulat na lang si Lizada nga mag report sa Regional Office agud magduty.
Nahibaluan nga sang damlag lang, nagreklamo ang manager sang Saxxy’s Bar and Grill bangud sang ginsukot si Lizada sang iya bill, nagpamalibad ini nga magbayad kag sa baylo ginpakita-kita pa niya ang service firearm.
