ILOILO CITY – May yara sang daku nga katungdanan ang mga pamatan-on agud nga makatuga sang kaayuhan sa sosyudad.
Ini ang katuyu-an sang pagtukod sang Global Shapers nga isa ka network sang mga ginakabig inspiring young people nga naga-edad sang manubo sa 30 anyos.
Sa interview sang Bombo Radyo kay Mikee Canaman, vice curator sang Global Shapers Iloilo Hub, iya ginpahayag nga katuyu-an sa pagtukod sang nasambit nga grupo amo nga mahatagan sang kahigayunan ang mga Ilonggo nga nagapangibabaw sa ila tagsa ka ginpili nga trabaho.
Suno kay Canaman, ang Global Shapers ang nagahatag sang kahigayunan sa mga pamatan-on nga Ilonggo nga makabulig sa Iloilo paagi sa solution building.
Sa bug-os nga kalibutan, nagalab-ot sa 8,000 ang volunteers sang Global Shapers sa diin 25 diri ang gikan sa Iloilo City.
Ang nasambit nga grupo ang may yara sang nanari-sari nga mga programa kag proyekto sa tinutuyo nga makabulig sa mga nagakinahangan kasubong sa mga Person’s With Disability kag ang pagtib-ong sang Mental Health.
Suno naman kay Kirz Pareja, project development committee chairman sang Global Shapers Iloilo Hub, mismo si Professor Klaus Schwab, Founder kag Executive Chairman sang World Economic Forum, ang nagtukod sang Global Shapers Community agud nga itib-ong ang mga pamatan-on sa pagpakigbahin sa local, regional kag global agendas.
Ang nasambit nga grupo suno kay Pareja ang isa ka non-profit organization nga narehistro sa Geneva, Switzerland.
Bukas gid ang ila grupo suno kay Pareja sa nga youth leaders.
