ILOILO CITY – Ginpasigurado ni Iloilo City Mayor Jerry Treñas nga nag-agi sa due process ang paghatag sang penalty sa siyam ka mga commercial establishment nga una nga nakitaan sang kapaltahan may kaangtanan sa pagsunod sa General Bar Guidelines.
Sa interview sang Bombo Radyo kay Treñas, iya ginpahayag nga luyag niya nga hatagan sang due process ang tanan bag-o maghatag sang desisyon agud nga wala siya sang hinulsulan sa ulihi.
Ang due process suno kay Treñas ang nalakip na sa constitutional rights sang tanan.
Ginpahayag sang alkalde nga sa isa ka democratic country, ginatahod gid ang due process ukon ang kahigayunan nga ginahatag sa isa ka tawo agud nga makapaathag.
