Handa si Presidente Rodrigo Duterte nga pahalinon sa pwesto si Bureau of Corrections chief Nicanor Faeldon kun matukiban nga may kapaslawan ini sa ginapahayag pagpaguwa sa presohan sa convicted rapist kag murderer nga si Antonio Sanchez, mga drug traffickers kag iban pa nga high profile prisoners.
Suno kay Senator Christopher Bong Go, nagmandu na si Duterte nga magpatigayon sang imbestigasyon agud nga mahibaluan kun bala responsable si Faeldon sa posible pagpaguwa kay Sanchez sa presuhan amo man sa mga Chinese drug traffickers bangud sa Republic Act 10592 ukon anng Good Conduct Time Allowance law.
Pahayag pa sang senador, maathag na para sa Presidete nga si Sanchez kag ang iban pa nga inmates nga convicted bangud sa heinous crimes ang indi nagakadapat nga kwalipikado para sa malip-ot nga sentensiya.
Gintawag man ni Duterte nga “very inconsistent” ang mga pahayag ni Faeldon amo man ang iban pa nga mga opisyales sang BuCor.
