ILOILO CITY- Nagapangayo sang bulig sang Iloilo City Government kag sang Women and Children’s Protection Desk ang otoridad agud marescue ang mga kabataan nga nagapatigayun sang hazing sa sulod sang Iloilo Terminal Market.
Sa interview sang Bombo Radyo kay Police Lt. Col Jonathan Pablito, hepe sang Police Station 1, iya ginpahayag nga kulang ang personnel kag ang ila ginatutukan amo ang pagsolbar ukon pagtapna sang focused crimes.
Suno kay Pablito, may yara sang isa ka pulis nga naasign sa nasambit nga merkado nga amo naman ang nagapakig-angot sa mga barangay official.
Isa man sa problema suno kay Pablito amo nga madasig nga nagapalagyo ang mga menor de edad sa tion nga magpatigayon sila sang inspection.
Magluwas diri, ginakabig man nga problema amo nga madamo ang entrance kag exit sang merkado.
Ipatawag man niya suno kay Pablito ang pulis nga na-assign sa merkado kag pamangkuton tuhoy sa nasambit nga buluhaton.
Sa pihak sini, gin-athag ni Pablito nga wala sang kahilabtanan ang nasambit nga police personnel sa sex den.
Mahimo naman suno sa natungdan nga may yara sang nagadumala sang sex den sa sulod sang merkado.// Babayi naman ang kalabanan nga nasikop sa tion sang inpsection.
