ILOILO CITY- Personal nga nagpadulong sa Iloilo Terminal Market si Iloilo City Mayor Jerry Treñas agud magpatigayon sang inspection matapos nahibalu-an nga ginahimo nga sex den ang mga papag nga yara sa ibabaw sang mga baligyaan.
Sa interview sang Bombo Radyo kay Treñas, iya ginpahayag nga ginkakibot niya ang balita tuhoy sa aktibidad sa sulod sang merkado sa diin nanagot ang mga menor de edad.
Suno kay Treñas, wala siya naglaum nga luwas sa baligyaanay sang mga kinahanglanon, may yara pa sang pagpakighilawas nga nagakatabo sa sulod sang merkado publiko.
Ipaguba naman suno kay Treñas ang mga sex den kag magapakig-angot sa Philippine National Police agud ngaa pabantayan ang palibot sang merkado.
