ILOILO– Magapatigayun sang pagsinapol ang tanan nga mga board members sa Western Visayas.
Sa interview sang Bombo Radyo kay Iloilo 4th District Board Member Domingo Oso Jr, iya ginpahayag nga magasapol ang legislators gikan sa nagkalain-lain nga bahin sang rehiyon 6.
Ini agud mas mapasanyog ang pagbinuligay kag brotherhood.
Luyag man nila suno kay Oso nga magpatigayon sang training ilabi na sa patag sang legislation.
Magluwas diri, luyag man nila nga magpasar sang resolusyon nga magahingyo sa national government agud padayunon ang plano nga magtukod sang taytay nga maga-angot sa Iloilo, Guimaras kag Negros.
Antes ang pagsinapol suno sa natungdan, magapatigayon sila sang tour sa syudad sang Iloilo padulong sa 1st district sa probinsya sang Iloilo agud ipakita man sa iban nga board members ang katahom sang probinsya sang Iloilo.
