JARO ILOILO CITY– Gilayun nga gindapatan sang pagbulong ang tatlo ka mga persona matapos nagbungguanay ang ila ginamaneho nga motorsiklo sa Alta Tierra Village, Jaro, Iloilo City.
Ang mga biktima ang ginkilala nga sanday Rolando Infiesto, Amzi Esportun kag si certain Michael.
Suno kay Esportun, naghalin sila sa distrito sang Molo kag hubog sang natabo ang aksidente.
Samtang, gin-ako naman ni Infiesto nga hubog siya apang ginkakibot niya ang natabo sa iya.
Wasak ang headlights sang duha ka motorsiklo bangud sa kabaskugon sang impact sang pagbunggu-anay.
Nakaangkon sang gasgas sa tuhod si Infiesto samtang nakaangkon sang minor nga kapilisan sa lawas ang sanday Esportun kag kaupod nga si certain Michael.
