ILOILO CITY – Madamu sa gihapon ang nagakuha sang kurso may kaangtanan sa Agrikultura.
Ini ang sa pihak sang problema sa sektor sang Agrikultura sa pungsod.
Sa interview sang Bombo sang Bombo Radyo kay Dr. Ruby Yotoko, Campus Administrator sang Northern Iloilo Polytechnic State College sa Batad, Iloilo, iya ginpahayag nga kun basehan ang enrollment, tuman ka damu ang numero sang mga estudyante nga luyag magkuha sang nasambit nga kurso.
Suno kay Dr. Yotoko, may yara sang screening nga ginapatigayon agud nga sala-on ang mga estudyante.
Nagapati naman ang natungdan nga indi madula ang kurso nga may kaangtanan sa Agrikultura bangud nga madamu sa gihapon ang mga estudyante ang interesado.
Daku ang katungdanan sang mga Agriculturist sa patag sang pagpauswag sang ekonomiya sang pungsod ilabi na sa soil management, breeding of animals, crop protection, environmental sustainability kag disease and harvesting.
