ILOILO- Ginpanindugan sang Iloilo Police Provincial Office nga mangin ‘relentless’ ang ila pagpanakop sa mga wanted persons sa probinsya sang Iloilo.
Sa interview sang Bombo Radyo kay IPPO Director Police Colonel Roland Vilela, iya ginpahayag nga padayun ang pagpanakop sa mga wanted persons bangud trabaho sang pulis ang pagpanakop sa mga nakasala sa layi kag nakahimo sang krimen.
Suno kay Vilela, ang ginhatag niya nga 24 oras nga plaso sang damlag lang sa tagsa ka mga police stations sa probinsya ang kabahin sang challenge ukon pagpanghangkat.
Mangin ‘pro-active’ naman suno kay Vilela ang pagpanakop sang sa diin ang mga police stations nga wala nakadakop sang wanted persons ang magapatigayun sang pagbisita kag monitoring sa mga anay tokhang surrenderees.
Ginpahayag naman ni Vilela nga may duha ka convicts nga nakagwa bangud sa Good Conduct Time Allowance ang nagpa-account na kag ginahulat na lang nila ang mando sang headquarters kun ano ang nagakadapat nga himuon.
Sa bahin naman sang re-shuffling sang mga hepe sang tagsa ka police stations suno kay Vilela, may ginpatigayun sila sa subong nga evaluation sang performance.
Isa ka pagpanghangkat suno kay Vilela kun paano mapasunod ang mga pulis sa mga mandato sa idalom sang iya pagpamuno.
