ILOILO CITY – Nagpalab-ot sang reklamo ang mga fish vendor sa Iloilo Fish Port Complex bangud sa pagpangawat sang mga isda.
Sa interview sang Bombo Radyo sa isa ka fish vendor nga nagpahinago lang sang iya nga pangalan, iya ginpahayag nga mahimo mga pamatan-on ang nagapangawat sang ila baligya nga isda bangud makapila na ka beses ini nga nagakatabo.
Suno sa iya, ginkawat ang iya isa ka tray sang bangrus nga 35 ka kilo.
Dugang pa sang natungdan, may mga kabataan na sadto nga nadakpan nga nagapangawat kag ginkadtoan pa sang City Social Welfare Development Office.
Apang sa subong, liwat na naman ang nagakatabo nga kinawatay sa sulod sang Iloilo Fish Port Complex.
Samtang ginkumpirma naman sang port manager nga si Alexis Inocentes ang kinwatay sa Iloilo Fish Port Complex.
Suno kay Inocentes, kuntani imonitor sa liwat sang CSWDO ang mga kabataan kag mangin mga ginikanan man kuntani bangud obligasyon man nila ang ila anak.
Nagpanugyan man siya nga sa tion nga may madakpan nga nagapangawat, ipahibalo gilayon sa iya nga opisina agud nga mahatagan sang lihok.
Sa subong, ipahibalo man ni Inocentes sa Iloilo City Government ang problema sa kinawatay sa Iloilo Fish Port Complex.
