ILOILO CITY – Ginatos ka mga pasahero ang na-stranded sa Fort San Pedro subong nga gab-i.
Sa interview sang Bombo Radyo kay Senior Chief Petty Officer Albino Rodriguez, Deputy Station Commander sang Philippine Coast Guard Iloilo, iya ginpahayag nga rush hour rason nga naglaba ang pila sang mga pasahero nga magasakay sa fast craft.
Suno kay Rodriguez, ang MV Yohan Green ang nagabiyahe Iloilo-Jordan vice versa samtang ang MV Yohan Cruiser naman ang nagabiyahe Iloilo-Buenavista vice versa.
Ginpahayag ni Rodriguez nga magluwas nga rush hour, nag-ulan pa subong nga gab-i rason nga nagdamu ang mga pasahero sa pantalan.
Nagpromisa naman ang tagdumalahan sang MV Yohan nga magabiyahe tubtub nga mapasakay ang tanan nga pasahero nga magapauli sa Guimaras.
