ILOILO – Nagapabilin sa kustodiya sang Bureau of Jail Management and Penology ang mga preso nga nahatagan sang Good Conduct Time Allowance.
Sa interview sang Bombo Radyo kay Jail Chief Inspector Richard Servano, jail warden sa Iloilo District Jail sa Brgy. Nanga, Pototan, Iloilo, iya ginpahayag nga sa subong, under custody ang status sang mga nagsungka nga anay preso samtang nagahulat sang mandu gikan sa headquarters.
Suno kay Servano, halin mismo sa Regional Office ang instruction nga igakostudiya ang Good Conduct Time Allowance grantees.
Ginpaidalom man ang mga anay preso sa booking kag medical check-up kag natukiban nga kalabanan sa ila ang may yara sang high blood.
May yara naman sang pagsulundan sa mga nagabisita sa nasambit nga jail facility.
Nahibaluan nga naghatag sang ultimatum nga 15 ka adlaw si Presidente Rodrigo Duterte sa mga preso nga nakaguwa bangud sa Good Conduct Time Allowance agud boluntaryo nga magsungka kag kun matapos na ang plaso, pagakabigon sila nga fugitive.
