ILOILO CITY – Ginpahanumdum ni Iloilo City Police Office Director Police Col. Martin Defensor Jr. sa tanan nga pulis nga likawan ang paggamit sang cellphone sa tion sang duty hours kun wala man lang sang kaangtanan sa trabaho.
Sa interview sang Bombo Radyo kay Defensor, iya ginpahayag nga iya na nga ginpahangop sa tanan nga police personnel nga ginadumili-an ang excessive cellphone usage sa tion sang duty hours magluwas lang kun ini ang naangot sa ila trabaho bilang isa ka pulis.
Ginpahayag ni Defensor nga magluwas sa nasambit nga pagsulundan, ginadumili-an man ang mga pulis nga maggamit sang computer para sa personal nga interes bangud nga ini ang propidad sang gobyerno.
Sa tion sang duty hours suno kay Defensor, nagakinahanglan man nga mangin matinlo kag nagasuksuk sang complete uniform ang mga pulis, wala nagatulog kag nakaalerto sa tanan nga oras.
Sa tion nga may madakpan nga nagalapas sa pagsulundan, ginpahayag sang natungdan nga ginapapasa sang explaination letter ang isa ka police pesonnel kag nagadepende naman sa bug-at sang violation ang igahatag nga silot.
