ILOILO CITY – Tatlo na naman ka mga business establishments nga nagaserbe sang makahulubog nga ilimnon ang ginpapanaogan sang closure order sang composite team bangud wala sang business permit
Ang mga business establishments nga pasiraduhan ang ginalakipan sang Griller’s Oyster House, Grill Monkeys kag Backyard Pub sa Mandurriao, Iloilo City bangud sa paglapas sa general bar guidelines.
Sa interview sang Bombo Radyo kay Mr. Norman Tabud, pinuno sang Business Permits and Licensing Office, iya ginpahayag nga magluwas sa wala sang business permits ang mga establisimento komersyal, natukiban man nga wala sila sang security guards ukon bouncer.
Suno kay Tabud, sa mga natigayon nga mapasirado nga mga establisimento, 11 na diri ang nagbalik na sa pag-operate.
Nagpasalig man si Tabud nga magapadayon sa gihapon ang composite team sa pag-tsekyar sa tanan nga mga establisimento sa syudad ilabi na ang mga nagaserbe sang makahulubog nga ilimon.
