ILOILO CITY – Nagareklamo ang mga pumuluyo sang San Antonio, Molo, Iloilo City bangud sa wala matapos-tapos kaayo sa dalan.
Sa interview sang Bombo Radyo kay Punong Barangay Erick Gallego, iya ginpahayag nga nagakabalaka siya sa safety sang iya mga pumuluyo bangud may yara na sang residente sa barangay nga nahulog sa ginakaayo nga dalan kag ini pa ang napilasan.
Suno kay Gallego, naka-istorya naman siya sa Department of Public Works and Highways kag ila man ginpasalig nga tinguhaan nila nga makaayo ang dalan.
Ang rason sang ahensya pahayag pa sang punong barangay nga bangud sa tyempo ukon sa pag-ulan kun ngaa indi ma tapos-tapos kaayo ang dalan.
Dugang pa sang natungdan, magluwas sa mga pumuluyo, nagahatag man huol ang ginakaayo nga dalan sa mga motorista ilabi pa nga madulom ang dalanon.
