SINGAPORE- Apektado sa gihapon sang fog ukon alipuok ang Singapore.
Sa interview sang Bombo Radyo kay Bombo Intenational Correspondent Mercy Saavedra Cacan, iya ginpahayag nga halos pila na ka adlaw nga na eksperyensyahan nila ang fog.
Suno kay Cacan, nagasilak ang adlaw apang makit-an ang madamol nga ambon.
Indi man advisable suno kay Cacan ang pagguwa kun wala man sang importante bangud kun mahina ang resistensya sang isa ka tawo, mahimo nga makatuga sang balati-an sa respiratory system ang paghaklo sang alipuok.
Sa tion naman nga maggwa suno sa iya nagakadapat nga maggamit sang mask.
Kalabanan naman nga ginabakal sang Singaporeans amo ang eyedrops kag facemask.
Ginapangamuyo man nila suno kay Cacan nga kun tani mag-ulan agud mabuhinan ang alipuok sa palibot.
Tubtob nga indi mag-untat suno sa iya ang pagsunog sang palm trees sa pungsod Indonesia, indi man mauntat ang ila ginabakho.
Ginapanugyan man sa ila suno sa natungdan ang pag-inom sang madamo nga tubig kag paggamit sang madamol nga mask agud malikawan ang ano man nga problema sa ikaayong lawas.
Nahibaluan nga kun maglapaw sa 100 ang pollutant standard index sa palibot, delikado na ini para sa tawo.
