Liwat nga nagpanawagan si Presidente Rodrigo Duterte nga magahatag siya sang P1 million bilang padya sa tagsa ka mga madakpan nga heinous crimes convicts nga nangin hilway sa idalom sang Good Conduct Time Allowance law.
Suno kay Duterte, available na ang P1 million prize sa tanan nga makadakop buhi man ukon patay nga mga convicts.
Una na nga nagpanawagan si Duterte sang Setyembre 4 sa 1,914 ka mga heinous crime inmates nga magsungka sa otoriad ukon kabigon na lamang sila nga fugitives ukon kriminal matapos ang Setyembre 19.
Sa subong, masobra 600 pa lamang ka mga convicts ang nagsungka base sa numero sang Department of Justice.
