ILOILO CITY – Ginpa-Bombo sang mga pumuluyo ang wala natapos-tapos nga dalan nga rason sang pagbaha sa tion nga magbubo ang ulan sa 8th St., Lawaan Village, Balantang, Jaro, Iloilo City.
Santo sa ginpadala nga reklamo sang isa ka concerned citizen, ginsulod sang tubig-baha ang ila balay matapos ang pagbubo sang mamunog nga ulan.
Suno sa tagreklamo, madugay na nga problema sa ila lugar ang baha ilabi pa nga wala man sang drainage system nga mahimo nga agyan sang tubig.
Gindugang sang tagreklamo nga sa tion nga mag-ulan, indi maagyan ang dalan pasulod sa ila lugar bangud sa tubig baha.
Ginapahayag nga madugay na nga ginareklamo ang tuhoy diri apang wala sang aktu ang mga barangay official sa nasambit nga lugar.
