WESTERN VISAYAS – Hugot nga ginadumilian sang Police Regional Office 6 ang illegal gambling sa Western Visayas.
Sa interview sang Bombo Radyo kay Pol Lt Col Joem Malong, tagpamaba sang Police Regional Office 6, iya ginpahayag nga gindeklara mismo ni Police Regional Office 6 Director Police Brigadier General Rene Pamuspusan ang “all out war” batuk sa illegal gambing sa Rehiyon 6.
Suno kay Malong, gina take advantage lamang sang mga tawo ang mga bag-o pungko nga opisyal sang pulis para sa ila nga kagustuhan lakip na diri si Iloilo Police Provincial Office Director Police Col. Roland Vilela nga ginapahayag ginpahanugutan niya ang mga operators sang illegal gambling sa probinsya sang Iloilo.
Dugang pa sang natungdan, indi luyag sang Police Regional Office 6 nga mahigkoan ang pangalan sang mga pulis.
Madumduman nga sang tinalikdan nga semana, gingamit man ang pangalan ni Vilela sa pagpangilkil kag magluwas sa IPPO Director, gingamit man ang pangalan sadto ni Police Colonel Martin Defensor Jr. sa iligal nga buluhaton.
