WESTERN VISAYAS – Magabulig man sa seguridad ang Police Regional Office 6 sa pagdul-ong sa Sablayan Prison and Penal Farm sa Occidental Mindoro sa Setyembre 20 sang mga heinous crime convicts nga nangin hilway sa Good Conduct Time Allowance kag nagsungka sa otoridad.
Sa interview sang Bombo Radyo kay Pol Lt Col Joem Malong, tagpamaba sang Police Regional Office 6, iya ginpahayag nga sa 144 ka mga convicts, 40 pa lang ang mga nagsungka nga anay pres sa diin 20 diri ang yara sa kustodiya sang Bureau of Jail Management and Penology 6.
Suno kay Malong, nadesisyonan nga sa Setyembre 20 pa dal-on sa Occidental Mindoro ang mga anay preso bangud nga hulaton pa ang iban nga mga convicts nga magsungka tubtob sa ginhatag nga plaso ni Presidente Rodrigo Duterte sa Setyembre 19.
Dugang pa ni Malong, salakyan nga bus sa gihapon sang Bureau of Jail Management and Penology 6 ang gamiton sa pagdala sa mga anay preso sa ccidental Mindoro.
