WESTERN VISAYAS – Hugot nga ginapanginwala sang Crime Laboratory 6 ang alegasyon ni Philippine Drug Enforcement Agency Chief Aaron Aquino nga gina recycle sang iban nga law enforcement agencies ang illegal drugs nga ma recover sa mga drug operations.
Sa interview sang Bombo Radyo kay Pol Col Enrique Ancheta, pinuno sang crime laboratory region 6, iya ginpahayag nga may yara sila sang Closed Circuit Television footage nga makapamatuod nga wala ginahilabtan ang mga recoveries.
Suno kay Ancheta, magluwas sa Closed Circuit Television footage, may yara man sila sang log book.
Dugang pa sang natungdan, nagapatigayon man ang crime laboratory sang monitoring ukon regular nga pag-audit sang mga recoveries.
