CAPIZ – Indi pagbatunon ni Presidente Rodrigo Duterte ang kontrata tuhoy sa pagbaligya sang duta nga ginhatag na sa agrarian reform beneficiaries
Ini ang may kaangtanan sa pagpakamalaot ni Duterte sa sugar barons nga naga buy and sell sang parcel gikan sa farmer-beneficiaries.
Suno kay Duterte, santo sa layi, ginadumili-an ang pagbaligya sang duta nga ginhatag sa idalom sang land reform program.
Ini bangud nga ang nasambit nga duta ang para sa palangabuhi-an sang mga mangunguma kag indi para sa personal nga interes sang pipila.
Kun luyag sang mga sugar baron nga makabulig sa mga mangunguma, mahimo man sila nga magpahulam sang kwarta ukon indi gani, baklon nila ang gintanum nga tubo sang mga sugar cane planter.
