ILOILO – Yara sa gihapon sa normal level ang hangin nga ginahaklo sa Iloilo kasunod sang abiso sang Department of Science and Technology tuhoy sa haze alert sa Pilipinas.
Sa interview sang Bombo Radyo kay Department of Environment and Natural Resources Sec. Roy Cimatu, iya ginpahayag nga sa subong, wala pa sang haze sa Iloilo rason nga wala sang dapat kahangaw-an.
Suno kay Cimatu, santo sa iya nga pagpanalawsaw, wala sang daku nga pagbag-o sa air quality sa Iloilo.
Ginpahayag ni Cimatu nga ang haze ang gikan sa pagkasunog sang kagulangan sa Indonesia bangud sa tuman nga init.
Ang Haze suno sa natungdan ang isa ka carbon monoxide nga makatuga sang balati-an ilabi na sa mga may sensitive nga ikaayong lawas.
Sa pihak sini, ginpahayag ni Cimatu nga mas makapaayo sa gihapon nga mag-aligmat ang tanan agud nga makalikaw sa malain nga epekto sang haze.
Lakip sa ginapanugyan amo ang pagsuksuk sang mask, long sleeves, pantalon, eye glasses kag likawan ang pagguwa sa balay kun wala man lang sang importante nga transaksyon.
