ILOILO CITY – Nagapasalamat si Iloilo City Mayor Jerry Treñas sa positibo nga feedback ni Department of Interior and Local Government Assistant Secretary Manuel Felix tuhoy sa ginapatigayon nga Oplan Hawan.
Sa interview sang Bombo Radyo kay Treñas, iya ginpahayag nga tuman ang iya nga pagpasalamat sa kooperasyon nga ginhatag sang mga sidewalk vendor agud nga matuman ang pagpanghawan sa mga dalanon.
Suno kay Treñas, kinahanglan nga sundon ang Oplan Hawan bangud nga ini ang mandu ni Presidente Rodrigo Duterte sa diin sa Setyembre 29 na ang gintalana nga plaso.
Ginpahayag ni Treñas nga sa subong, magapadayon sa pagpanghawan ang Oplan Hawan team sa palibot sang syudad sang Iloilo.
