ILOILO CITY – Indi matakos ang kalipay nga nabatyagan tagdumalahan sang College of Medicine sang West Visayas State University matapos nakakuha sang 100% passing rate sa September 2019 Physician Licensure Exam.
Sa exclusive interview sang Bombo Radyo kay Dr. Dave Endel Gelito, officer in charge Dean sang College of Medicine, iya ginpahayag nga sa 93 nila ka mga estudyante nga nagkuha sang pasinawan, tanan ang nakapasar.
Suno kay Gelito, daw kaangay sa pagdaog sa basketball ang ila sitwasyon sa diin two peat ang natabo bangud sang Marso 2019, 100% man ang ila passers sa diin nakasulod pa sa Top 10 ang duha ka estudyante kag sa subong nga Setyembre 2019, liwat na naman sila nga nakakuha sang 100% passing percentage sa pasinawan.
Ginapanginbulahan man ni Dr. Gelito ang ila mga estudyante nga nagtinguha nga makahatag sang dungog, indi lang sa ila kolehiyo kundi sa ila mismo kaugalingon.
Ang ila naman nga sekreto sa pagpasar sa pasinawan amo ang suporta nga ginahatag sang faculty, mga ginikanan kag iban pa nga mga estudyante.
Nahibaluan nga sa santo sa ginpagwa nga resulta sang Professional Regulation Commission kag Board of Medicine, sa 4,716 nga nagkuha sang pasinawan sa bug-os nga Pilipinas, 4,006 ang nakapasar.
