MIAG-AO, ILOILO – Padayun pa nga ginapangita sang militar ang katapo sang rebelde nga ila naka-engkwentro sa Brgy. Ongyod, Miagao, Iloilo.
Sa interview sang Bombo Radyo kay Lt. Col. Joel Benedict Batara, Commanding Officer sang 61st Infantry Battalion sang Philippine Army, iya ginpahayag nga may mga sibilyan nga naghatag sa ila sang impormasyon rason nga ginpadulungan sang ila tropa ang lugar.
Nagdugay sang halos lima tubtob 10 ka minuto ang engkwentro sa tunga sang militar kag ginabanta 15 ka katapo sang rebelde.
Suno kay Batara, luyag kun tani sang grupo nga magpang-harass lakip na ang pagsabotahe sa isa ka hydroplant project nga nahamtang sa Igbaras, Iloilo.
Wala sang nasamaran sa bahin sang militar samtang santo sa ila masaligan nga source suno kay Batara, pila sa katapo sang rebelde nga grupo ang nasamaran.
