CARLES, ILOILO – May ginamonitor na ang Carles PNP nga mga personalidad nga naangot sa illegal fishing sa nasambit nga banwa.
Sa interview sang Bombo Radyo kay Police Captain Francis Fortunado, hepe sang Carles Municipal Police Station, iya ginpahayag nga sa subong, hugot ang ila pagbantay kag monitoring sa mga nagapatigayun sang trawl fishing kag iban pa nga illegal nga sahi sang pagpangisda.
Suno kay Fortunado, kalabanan ang wala sang lisensya gikan sa Maritime Industry Authority.
Ginpahayag ni Fortunado nga ginasunod lang nila ang municipal ordinance sa diin ginapabayad lang ang violators sang multa.
May nadakpan naman sila suno kay Fortunado may kaangtanan sa illegal fishing.
Sang damlag lang suno kay Fortunado, nagpatigayun sila sang information drive sa mga pumuluyo sa banwa sang Carles.
Indi man nila matutukan ang pagtapna sang illegal fishing bangud madamo man sila sang gina-obra kaangay sang pagtapna sang illegal drugs,illegal gambling kag kriminalidad.
