ILOILO – Madamu sang benepisyo nga mahatag ang babywearing ukon ang practice nga pagkugos sang lapsag gamit ang sling ukon iban pa nga sahi sang carrier.
Sa pagpaathag ni Dr. Rouella Chan-Hagoriles, Chief Resident sang Department of Psychiatry sang West Visayas State University Medical Center, ang babywearing ang isa ka maayo nga paagi agud nga mapabaskog ang bonding sang iloy kag sang lapsag.
Suno kay Hagoriles, ang babywearing ang mahimo man nga makatuga sang maayo nga epekto sa lapsag kasubong sang physical, emotional kag language development.
Ginpahayag man ni Hagoriles nga ang mga lapsag nga gina-babywear ang makalikaw sa pag-angkon sang flat-head syndrome kag s udden infant death syndrome.
Paagi sa babywearing, mas nagadamu man ang breastmilk sang iloy kag mas mahapos ang pagpasuso sa lapsag.
Makabig naman nga happy baby ang mga lapsag nga gina-babywear bangud sa oxytocin ukon beneficial hormone nga tuga sang intimate parenthood bond.
Magapatigayon sang Aboy-aboy Sa Dughan 2019 ang Iloilo Babywearing Community sa bulan sang Oktubre.
Sa interview sang Bombo Radyo kay Sheilla Mae Guevara-Lim, certified babywearing consultant kag isa sa mga founder sang Iloilo
Babywearing Community, iya ginpahayag nga ang ika-tatlo nga Aboy-aboy Sa Dughan ang patigayunon sa Oktubre 12, 2019 sa isa ka mall sa Pavia, Iloilo.
Suno kay Lim, may yara sang nanari-sari nga aktibidad nga patigayunon kasubong sang Babywearing Yoga kag Babywearing Dance para sa mga iloy samtang gina-babywear ang ila mga lapsag.
Magluwas diri suno kay Lim, magahatag man sang iya nahibalu-an si Dr. Rouella Chan-Hagoriles, Chief Resident sang Department of Psychiatry sang West Visayas State University Medical Center, tuhoy sa maayo nga pag-atipan sang kabataan.
Ang programa suno kay Lim ang maga-umpisa 3:00 sang hapon kag ini ang bukas sa mga ginikanan nga maluyag magpakigbahin sa pagtib-ong sang babywearing .
Babywearing Community
