ILOILO – Wala pa sang Implementing Rules and Regulations tuhoy sa manhunt operations batok sa Good Conduct Time Allowance grantees nga wala nagsungka.
Ini ang kasunod sang mandu sang Department of Justice nga ipauntat ang manhunt operation bangud nga kinahanglanon ang warrant of arrest kag kinahanglan nga kaayuhon sang Bureau of Corrections ang listahan.
Sa interview sang Bombo Radyo kay Police Col. Marlon Tayaba, Acting Chief Regional Staff sang Police Regional Office 6, iya ginpahayag nga mahimo nga madugangan ukon mabuhinan ang 144 nga nalakip sa listahan sang Police Regional Office 6 tuhoy sa ex-convicts nga ginhatagan sang Good Conduct Time Allowance.
Suno kay Tayaba, nagabaton pa ang Police Regional Office 6 sang mga surrenderee kag profiling lang ang ginahimu sabaylo nga manhunt operation.
Santo sa pinaka-latest nga record, may yara na sang 74 ka mga nagsungka kag ang una nga 68 nga naka-abot sa grace period ang una man nga iga turn-over sa Sablayan Prison and Penal Farm sa Occidental Mindoro.
