ILOILO CITY – May yara sang libre nga flu kag pneumonia shots nga ginapanghatag ang Iloilo City Government para sa mga senior citizen, barangay officials kag empleyado sang Iloilo City Hall.
Sa interview sang Bombo Radyo kay Iloilo City Mayor Jerry Treñas, iya ginpahayag nga nagpangayo siya sang bakuna sa Department of Health agud nga ipanghatag sa beneficiaries.
Suno kay Treñas, paagi sa pagpangbakuna, mahatagan sang proteksyon batok sa mga balati-an ang mga senior citizen, empleyado sang Iloilo City Hall ilabi na ang mga traffic aid kag ang mga na-assign sa beautification program.
Ang nasambit nga beneficiaries suno kay Treñas ang masami nga expose sa init kag may yara sang mataas nga risgo sa pag-angkon sang balati-an.
