PAVIA ILOILO – Nagahingyo sang bulig sang tagsa-tagsa si Mayor Luigi Gorriceta may kaangtanan sa ginapatigayon nga Oplan Hawan sa Pavia, Iloilo.
Sa interview sang Bombo Radyo kay Gorriceta, iya ginpahayag nga iya na nga ginpahanumdum ang Task Force on Road Clearing nga padayunon ang clearing operation ilabi na sa mga lugar nga may nabilin pa nga obstruction.
Suno kay Gorriceta, madamu sang obstruction sa area sang Brgy. Balabag, Brgy. Hibao-an kag Brgy. Pandac rason nga pila lamang ini sa mga lugar nga dapat tutukan sang Task Force on Road Clearing.
Ginpahayag man ni Gorriceta nga indi man mahinago nga madamo ang mga wala nagasunod sa Oplan Hawan ilabi na ang mga ambulant vendor nga nagabalik sa higad sang dalan sa tion nga maglumbos ang Task Force on Road Clearing.
Kun tani suno sa alkalde, ang mga barangay officials na mismo ang magpabilin sang katinlo sa ila area of responsibility agud nga wala sang preventive suspension nga matabo.
Smatang, amat-amat na nga nakuha ang mga obstruction sa Brgy. Balabag, Pavia, Iloilo.
Sa interview sang Bombo Radyo kay Brgy. Kagawad Helen Maquiling sang nasambit nga lugar, iya ginpahayag nga may yara na sang mandu
gikan sa Local Government Unit sa diin 1.5 meters gikan sa higad sang dalan ang dapat nga mahawanan.
Suno kay Maquiling, indi man mahinago nga may yara sang mga nabilin pa nga obstruction apang padayon sa gihapon ang clearing operations.
Ginpahayag ni Maquiling nga kalabanan sa mga nabilin nga nagasablag sa dalan amo ang mga kahoy.
Sa subong suno sa natungdan, ginahulat pa nila ang permit gikan sa Municipal Environment and Natural Resources Office agud nga mapang-utod na ang mga kahoy nga makabig obstruction.
