ILOILO CITY – Wala sang ideya si Miag-ao, Iloilo Mayor Macario Napulan tuhoy sa ginapahayag recruitment sang New People’s Army sa mga Junior kag senior High School students sa ila banwa.
Sa interview sang Bombo Radyo kay Napulan, iya ginpahayag nga iya nga ipatawag ang Local School Board agud nga makumpirma ang tuhoy sa recruitment sang rebelde nga grupo.
Suno kay Napulan, may yara sang walo ka national high school sa Miag-ao nga ginalakipan sang Public kag Private Schools nga natunga sa duha ka distrito.
Ginpahayag ni Napulan nga sa nakaligad nga pagsinapol kaupod ang Local School Board, isa sa ila naistoryahan ang tuhoy sa ginapahayag recruitment sang rebelde nga grupo sa diin iya gimandu-an ang tagsa ka district supervisor nga ipahibalo sa iya kun matuod ang tuhoy diri.
Sa subong suno sa alkalde, wala pa siya sang report nga nabaton kun bala matuod gid man nga may yara sang recruitment sang rebelde nga grupo sa high school studnets.
Nahibalu-an nga ginpahayag ni Lt. Col. Joel Benedict Batara, commander sang 61st Infantry Batallion, nga may yara sang recruitment sang
rebelde nga grupo sa mga banwa sang Miag-ao, Tubungan, Igbaras, San Joaquin kag Leon.
