GUIMARAS – Ginahulat na lang sang Sanguniang Panlalawigan sang Guimaras ang mangin aktu ni Department of Transportation Sec. Arthur Tugade tuhoy sa ginaduso nga desinyo sang pump boat nga nagabiyahe Iloilo-Guimaras vice versa.
Sa interview sang Bombo Radyo kay Buenavista, Guimaras Mayor Eugene Reyes, iya ginpahayag nga nagpasar sang resolusyon ang Sanguniang Panlalawigan tuhoy sa ila proposed design kaupod ang Maritime Industry Auhtority.
Suno kay Reyes, nakapromisa na si Sec. Tugade nga aprobahan gilayon ang ila ginaduso nga design sa tion nga mabaton na niya ini kag kun makapasar sa iya standard.
Ginpahayag ni Reyes nga nagalaum siya nga mangin positibo ang sabat sang tiglikom tuhoy sa ila hingyo ilabi na subong nga problema sang mga pasahero amo ang pagsulundan sa paggamit sang tarapal sa pump boat sa tion sang pagbiyahe.
