ILOILO CITY– Ginatinguhaan sang Police Station 1 nga masolbar ang kaso sang motor riding suspects sa syudad sang Iloilo.
Sa interview sang Bombo Radyo kay Police Lt. Col. Jonathan Pablito, hepe sang Police Station 1, iya ginpahayag nga sa Station 1, may yara sang apat ka kaso sang motor riding suspeks.
Suno kay Pablito, tatlo sa mga nasambit nga kaso ang padayun sa gihapon nga gina-imbestigaran.
Pila sa mga rason suno sa iya kun ngaa mabudlay nga masolbar ang kaso sang M.R.S, ang ginalakipang pagdamo sang motor sa syudad, wala
sang plaka ang motor nga ginagamit sang mga nagahimo sang krimen, may kuha snag close circuit television, apang wala sang witness nga makatudlo sa mga suspeks, kag maisog ang mga nagahimo sang kriminalidad.
Tatlo naman ka kaso suno kay Pablito, ang natabo sang nakaligad nga tuig, samtang isa diri ang natabo sini lang nga 2019.
Nagalaum naman siya suno kay Pablito nga mahatagan na sang plaka ang tanan nga mga motorsiklo agud mas mahapos ma-identify sa tion
nga magpatigayun sang checkpoints.
Magluwas sa pagsolbar sang kaso suno sa natungdan, himuon nila ang tanan agud mapunggan ang iban pa nga krimen nga magluntad sa syudad.
