ILOILO CITY – Indi mag-upod sa transport strike sa Lunes, Setyembre 30 ang mga transport group nga nalakip sa Iloilo City Alliance of Operators and Drivers Transport Cooperative.
Sa interview sang Bombo Radyo kay Rizalito Alido, presidente sang Iloilo City Alliance of Operators and Drivers Transport Cooperative, iya ginpahayag nga magabyahe ang mga driver nga nalakip sa ila kooperatiba bangud nga nagapati sila sa kaayuhan nga dala sang Modernization Program.
Suno kay Alido, ang Modernization Program ang makahatag sang kaayuhan ilabi na sa mga pasahero kag amo man sa mga driver kag operator.
Ginpahayag ni Alido nga kun madayon ang pag-ilis sa mga daan nga unit sang depampasahero nga salakyan, wala na sang karera nga matabo bangud nga ang mga driver ang may yara sang fixed income nga igahatag sang kooperatiba.
Sa subong suno natungdan, ginahitso na sang ila kooperatiba ang kinahanglanon agud nga makasugod na sa pagbiyahe ang mga modernized jeepney.
