ILOILO CITY – Magapatigayon buwas nga adlaw sang “Ugsaran Tinlu-an Agud Balati-an Malikawan” ang Iloilo City Government sa Molo Plaza kag sa mga kaiping nga mga barangay.
Sa interview sang Bombo Radyo kay Iloilo City Councilor Alan Zaldivar, chairman sang Committee on Health, iya ginpahayag nga 6:00 buwas sa aga, nag-umpisa ang pagpaninlo, misting kag fogging kaupod ang nanari-sari nga volunteer groups.
Suno kay Zaldivar, ang Molo Plaza ang ika duha na nga plaza sa syudad sang Iloilo nga ginpatigayunan sang pagpaninlo.
Ginpahayag ni Zaldivar nga sa subong nga bulan, naganubo ang numero sang kaso sang Dengue Hemorrhagic Fever apang nagakadapat nga padayunon sa gihapon ang pagpaninlo sa palibot.
Ini bangud nga suno sa natungdan, indi lang Dengue ang mahimo makuha sa tig-ululan.
