SAN JOAQUIN, ILOILO – Magapatigayon sang peace campaign kag iban pa nga aktibidad ang district supervisor sang San Joaquin, Iloilo agud nga mapahilayo sa recruitment sang New People’s Army ang mga Junior kag Senior High School Students.
Ini ang kasunod sang monitoring sang Philippine Army nga isa ang San Joaquin sa lima ka banwa sa probinsya sang Iloilo nga may yara sang recruitment sang rebelde nga grupo.
Sa interview sang Bombo Radyo kay Natividad Fuentesfina, district supervisor sang nasambit nga banwa, iya ginpahayag nga wala siya sang may nabaton nga report tuhoy sa nasambit nga isyu.
Suno kay Fuentesfina, bilang district supervisor, katungdanan niya nga maghimo sang lihok agud nga mapalayo sa kalainan ang mga estuyante.
Ginpahayag ni Fuentisfina nga handa siya nga magpakig-angot sa Local Government Unit kag otoridad agud nga matapna ang recruitment sang rebelde nga grupo.
