ILOILO CITY – Limitado lang ang transport vehicles nga mahimo makasulod sa dulungkaan sang pump boat nga may biyahe Iloilo-Guimaras vice versa.
Sa interview sang Bombo Radyo kay Leode Lara, Vice President sang Iloilo City Alliance of Jeepney Owners and Drivers Association kag Presidente sang CPU drivers Association, iya ginpahayag nga ang mga jeep lang nga may byahe parola-super, taxi, tricycle kag trisikad ang mahimo makabiyahe sa Muelle Loney, Iloilo City.
Suno kay Lara, ginhingyo man nila kay Mr. Jeck Conlu, pinuno sang Public Safety and Transportation Management Office, kun mahimo makabiyahe sa wharf ang Jaro CPU nga jeep apang wala sila ginpahanugutan bangud nga out of route na ini.
Nagpanugyan naman ang natungdan sa drivers nga sundon ang linya sa pagparking kag indi maglapaw sa dalan agud indi madakpan.
