ILOILO – Liwat nga ginlunsyar sang Police Regional Office 6 ang internal cleansing program sa bug-os nga hanay sang Philippine National Police.
Sa interview sang Bombo Radyo kay Police Regional Office 6 Director Police Brigadier General Rene Pamuspusan, iya ginpahayag nga sa nasambit nga programa pagagamitun ang squad system.
Suno kay Pamuspusan, madugay naman ini nga sistema nga ginsunod sa bug-os nga hanay sang Philippine National Police.
Dako naman ang mabulig sini sa tagsa ka pulis sa rehiyon suno kay Pmuspusan bangud may yara sang squadmates nga magapahanumdum sa isa ka pulis kun bala husto ukon indi ang ila gina-obra.
Wala naman ini nagakahulugan suno sa natungdan nga pareho ang silot sang tanan nga miyembro sang isa ka squad.
Sa bahin naman sang ninja cops suno kay Pamuspusan, wala sang record ang Police Regional Office 6.
