ILOILO – Nagasentro sa pamatan-on ang mga programa kag proyekto sang Pag-Asa Youth Association of the Philippines.
Sa interview sang Bombo Radyo kay Leo Mer Gumawa, isa ka manunudlo kag presidente sang Pag-Asa Youth Association of the Philippines-Iloilo, iya ginpahayag nga ang Pag-Asa Youth Association of the Philippines ang isa ka nationwide organization nga ginabug-usan sang barangay tubtub national level.
Suno kay Gumawa, ang nasambit nga grupo ang napaidalom sa youth program sang Department of Social Selfare and Development kag nagaserbe nga platform agud nga maistoryahan kag mahatagan sang solusyon ang mga problema sang mga pamatan-on.
Ginpahayag ni Gumawa nga ang mga pamatan-on nga naga-edad 15 anyos tubtub 30 anyos ang mahimo nga mangin kabahin sang organisayson sa diin wala na sang registration pa nga bayaran.
Ang malahalon lang suno sa natungdan amo nga may yara sang passion kag willingness ang isa ka pamatan-on nga mangin miyembro sang organisayson.
Sa bug-os nga pungsod, ginabanta nga nagalab-ot sa 18,000 ang miyembro sang Pag-Asa Youth Association of the Philippines.
Sa nasambit nga organisasyon, sila ang nagapatigayon sang leadership kag capacity training, outreach program kag iban pa nga programa para sa kaayuhan sang pamatan-on.
