ILOILO CITY– Naglain-lain ang rason sang pila ka mga asosasyon kag drivers nga nag-upod sa transport Strike.
Sa interview sang Bombo Radyo kay, Niel Gabasa, isa sa mga drivers, iya ginpahayag nga luyag niya mag-upod sa kawsa nga ginapakigbato sang iya
mga kaupdanan.
Suno kay Gabasa, apektado sila sa modernisasyon ilabi na ang ila kita sa adlaw-adlaw nga tanan para sa ila tagsa ka pamilya.
Sa subong suno sa iya, supisyente sila bangud kun mapisan ka magbyahe, nagadangat sa P800 tubtob P1000 ang ila kita.
Tuman naman ka mahal sang modernized jeep suno kay Gabasa kag kun asosasyon angf magahatag sa ila snag sweldo, indi ini makaigo sa ila
kinahanglanon, ilabi na sa pagpa-eskwela sang ila mga kabataan sa kolehiyo.
20 anyos na siya suno sa natungdan nga nagabyahe sang jeep kag kun madayun ang modernisasyon sila ang tuman nga maapektuhan.
