ILOILO CITY – Gin-ako ni Iloilo City Mayor Jerry Treñas nga may mga nabilin pa nga obstruction sa mga dalanon sa syudad sang Iloilo.
Ini ang kasunod sang validation kag evaluation sa ginpatigayon nga Oplan Hawan nga nagtakop sang Setyembre 29.
Sa interview sang Bombo Radyo kay Treñas, iya ginpahayag nga kun indi 100% ang clearing operations sa syudad sang Iloilo, 95% na nga nahawanan ang mga dalanon.
Suno kay Treñas, indi man mahinago nga ang mga barangay road sa palibot sang syudad ang may yara sa gihapon sang obstruction.
Ginpahayag ni Treñas nga may yara na siya sang inventory sang mga barangay nga may madamu sa gihapon sang sablag sa dalan.
Paandam sang alkalde, indi siya mag-apin sa mga barangay official nga makasuhan bangud sa indi pagsunod sa Oplan Hawan.
