ILOILO CITY– Gin-revisit sa subong sang chairman sang Committee on Transportation sang Iloilo City Council ang mga ordinansa may kaangtanan sa pagpanahunot sang on-road parking sa syudad sang Iloilo.
Ini ang kaangot man sa ginhingyo ni Public Safety and Transportation Management Office head Jeck Conlu nga amyendaran ang on-road parking ordinance.
Sa interview sang Bombo Radyo kay Iloilo City Councilor Rommel Duron, iya ginpahayag nga indi sa gilayun maamyendaran ang mga ordinansa sa on-road parking bangud nga nagakinahanglan pa ini sang rekomendasyon kag oberserbasyon.
Suno kay Duron, magapatigayun sang committee hearing kaupod ang pinuno sang Public Safety and Transportation Management Office.
Ginpahayag ni Duron nga ang nabatun niya nga sulat amo ang tuhoy sa pag-repeal lang sang ordinansa nga wala sang ano man nga rekomendasyon.
Kun ang pagparking sang salakyan ang wala naman nagasanto sa ordinansa, mahimo ang mga ini nga ipaguyod sa tow truck kag pabayaron sang multa ang tag-iya.
