ILOILO – Magapatigayon sang revalidation ang Philippine Drug Enforcement Agency sa mga barangay sa Western Visayas kun illegal drugs ang pagahambalan.
Sa interview sang Bombo Radyo kay Shey Tanaleon, acting spokesperson sang Philippine Drug Enforcement Agency 6, iya ginpahayag nga indi permanente ang pag certificy nga drug cleared ang isa ka barangay.
Suno kay Tanaleon, may yara sang 14 ka parameters nga ginasunod agud nga madeklarar nga drug-cleared ang isa ka barangay kag sa tion nga malapas ang isa ka parameter, posible nga bawion sang ahensya ang certification.
Ginpahayag ni Tanaleon nga pagahatagan sang 30 ka adlaw nga plaso ang barangay council agud nga aktuhan ang reklamo tuhoy sa illegal drugs kag kun mapaslawan sa sulod sang gintalana nga oras, pagabawi-on sang ahensya ang pagdeklarar nga drug cleared ang isa ka lugar.
Subong nga bulan suno sa natungdan, natalana nga magasapol ang oversight committee nga ginalakipan sang mga tiglawas sang Philippine Drug Enforcement Agency, Department of Interior and Local Government, Philippine National Police kag Department of Health para sa re-validation sang tagsa ka lugar sa rehiyon.
