ILOILO – Narekord sang Iloilo Police Provincial Office ang 66 ka mga insidente sang suicide subong nga tuig.
Samtang sang tinalikdan nga tuig, na rekord ang 73 ka mga insidente sang suicide.
Sa interview sang Bombo Radyo kay Iloilo Police Provincial Office Director Pol Col Roland Vilela, iya ginpahayag nga ang mga naga edad 10 tubtob 20 anyos ang masami nga nagahikog.
Isa sa mga rason suno kay Vilela amo ang depresyon.
Samtang ang mga nagahikog naga edad 19 tubtob 30 anyos ang masami may problema sa paghigugma.
Panugyan ni Vilela sa mga pulis, imbestigahan sang maayo ang tagsa ka suicide incident sa probinsya sa diin kinahanglan kadtoan sang pulis ang mga ekswelahan kag barangay agud nga makahinun-anon man sa publiko.
Bukas man ang linya ni Vilela sa mga nagabatyag sang depresyon ukon problema man sa paghigugma sa diin siya ang magaserbe anay bilang Dr. Love.
